#婚禮攝影##順德婚禮#...

婚禮攝影順德婚禮
呢家人，我對佢地的感情好特殊。
因為我已經拍攝過佢地6次了。再加多一次係佢地表妹。
係一場順德婚禮裡面，當時我係新娘房，有一個化緊妝女仔係度講：“你點解唔請個個立祈兒的？佢影相好靚”
我心唸，呢個親戚有眼光了！！！！！
噔噔蹬蹬，我馬上閃亮登場先~！
呢個女生就係蘋果，佢係當日新娘子的表姐。
自此我就對呢個女仔留下左特別深刻的印象。
之後佢的澳門領證，去希臘影的婚紗，婚禮，之後的親子，仲有弟弟的結婚等等。
時至今日，我依然記得佢領證個日，一家人歡樂的畫面，佢地總共5個兄弟姊妹。
每個人都係笑得好開心，佢老公mc最中意搞爛gap，蘋果媽咪就會話：“好心你啦，都唔好笑”
hahaaa。我地拍攝完之後，柴哇哇坐係路環一間餐廳吃飯。
氣氛好熱鬧。媽咪美美同埋班細路有講有笑。個個畫面依然刻係我心上。
蘋果去希臘著住的係香芋紫的雅典娜禮服，仲有佢婚禮入場個套簡約又略帶閃的婚紗，依然都係雅典娜一樣。
追光燈照住佢入場的樣子我依然清晰。
直到今次的女主角婚禮當日，我放左d視頻上自己番薯號，d番薯見到，會同我講：“當年同新娘子爭舅舅的心悠已經咁大個啦”
個番薯仲搵翻當時我拍的相比我睇，係佢喚醒左我記憶。
唔單只我，就如呢個番薯話齋，佢都係從蘋果結婚見證到今日。
今次婚禮的女主角，我跟住班細路叫佢細細。
（我跟d bb叫，佢家中排行最細，個日接親的時候，我聽到d大人同班小朋友講：“你地唔係話要保護細細噶咩？”）
原來細細係班家姐阿哥d仔女的眼中，呢個姑姐同姨仔都依然係要被保護住噶。
我問細細呢個男生有乜野吸引佢，另到佢性格咁好又靚女，會選擇佢。
細細真係一個好純真又好活潑的女孩子。
細細話，男仔以前畢業之後做社工，幫好多人，後來佢翻屋企生意幫手，佢做野的時候，認真的樣子好似自己哥哥。
我就唸，一個哥哥可以另到妹妹咁崇拜欣賞，一定係一個特別好的男孩子。
婚禮呢日，我發現呢個家族，係全部男生負責湊仔的。包括哥哥，一個人湊住3-5個細路。
個個圍住佢轉，佢又偶爾去攬下d小朋友。到晚宴的時候，佢又會好靠近自己的太太，依然好恩愛。
呢個家庭的每個成員之間，都好有愛。
哥哥仲會被家姐起花名。
我會好奇，到底點樣的家庭教育，會另到5個小朋友都咁聽話呢？
所以我真係跑左去問媽咪美美。美美話：“我要佢地從細就只要有飯局，有家庭聚會，就一定要個個都出席噶，唔可以落下一個”
而且媽咪本身就係一個開心果。佢會一直大笑，佢條旗袍有少少開衩設計，啊爸爸馬上咔咔笑中個身埋去好搞鬼幫佢遮住。
平時見蘋果發d各種屋企人的生日，永遠都係呢家人幾十人一起歡樂的畫面。
我叫佢地一起戴住細細d金器影相，寓意姊妹同心，其利斷金，佢地個個爭住戴最大的。
全部人都小朋友一樣，哪怕個個已經做曬爸爸媽媽了。
佢地真係我見過氣氛最熱鬧和睦的家人。
而蘋果呢個大家姐，一直無私咁照顧住全部細佬妹，每個細佬妹的婚禮佢都會幫佢地安排照顧好。
而佢地又個個都對家姐好信任。有一種大家姐為佢地遮風擋雨，細佬妹可以繼續天真快樂的感覺。
當然，細佬妹們都好乖。
就好似美美話齋：“我最後呢個女嫁了，其實佢唔使咁快結婚噶，我都唔急”
我同美美一樣，我都唔捨得細細嫁，
我多想一直見到佢地呢家人總係笑呵呵，為自己兄弟姊妹結婚又笑又喊的情緒。
因為感覺幫佢地家族拍完最後一場婚禮，有一種，呢個美好的事宜，畫上左圓滿的句號。當然，佢地的幸福一樣延續落去。
而我的職責，亦完畢了。